Muthuhara sep 1992 - ලොව මැවූ බ්‍රහ්මයා ලොවට බිහිවූ හැටි

In the last few days, large number of readers have joined the the Swarna blog and its Facebook page. At present there are 500 people involved in it. So I decided to bring you another Muthuhara magazine today. This is the September 1992 issue.

 The first pages of some of the articles in this issue are published herewith, and I invite you to download and read the magazine at the following link.

 to read full magazine

Meanwhile, I believe that this issue’s article on the Great Brahma in the region is a very valuable one. Because the way the writer started this article in a country where there are people who strongly believe in an invisible God and have blind faith is great. (I would like to say that I do not have an unpleasant feeling about it because the concept of God frees people who do not understand the truth from doing wrong. I am against those who sell God).

 පසුගිය දින කිහිපයේ ස්වර්ණ බ්ලොග් අඩවිය හා පාඨකයින් විශාල ප්‍රමාණයක් එක් වී තිබුණු බව මේ හා බැඳුණු ෆේස්බුක් පිටුව මගින් දැකගන්නට ලැබුණා. මේ වන විට ඒ හා සම්බන්ධ වී සිටින පිරිස 500කට ආසන්නයි. 

ඉතින් මා තීරණය කළා අද තවත් මුතුහර සඟරාවක් ඔබ වෙත ගෙන එන්නට. මේ 1992 සැප්තැම්බර් මස කලාපයයි. 

මෙවර කලාපයේ අන්තර්ගත ලිපි කිහිපයක මුල් පිටු මේ සමග පළ කරන අතර සඟරාව පහත සබැඳිය ඔස්සේ බාගත කරගෙන ඒවා කියවන ලෙස මා ඔබට ආරාධනා කරනවා.

ඒ අතර මෙවර කලාපයේ මහා බ්‍රහ්මයා පිළිබඳ පළ වී ඇති ලිපිය ඉතා අගනා එකක් බව මා විශ්වාස කරනවා. මන්ද නොපෙනෙන දෙවියන් පිළිබඳ දැඩි සේ විශ්වාස කරන, අන්ධ භක්තියෙන් අදහන ජනතාවක්  සිටින රටක ලේඛකයා මෙම ලිපිය ආරම්භ කර ඇති ආකාරය ඉතා විශිෂ්ට නිසා. ( දේව සංකල්පය මගින් සත්‍යාවබෝධය නොමැති ජනතාව වැරදි වැඩ කිරීමෙන් මුදවන නිසා ඒ පිළිබඳ මා තුළ අප්‍රසන්න හැඟීමක් නම් නැති බවත් කිව යුතුයි. මා විරුද්ධ දෙවියන් විකුණාගෙන කන තැනැත්තන්ටයි) .

එසේ ම මෙවර කලාපයේ ඇති රසවත් පුංචි කතන්දරයක් මගේ සිත ඇද ගත්තා. මේ එම කතන්දරයේ කොටසක්.

සම්පූර්ණ සඟරාව කියවමු .

Mthuhara - june 1992 ඇත්තට ම මිහිඳු මාහිමි ලංකාවට වැඩම කළේ අහසින් ද ?

Today I bring to you the June 1992 issue of Muthuhara Magazine.  Previously I have presented two issues of Muthuhara Magazine.

 Previously published article on Muthuhara and those issues

This time the cover story is set aside to explain another way in which the United States is activating its neo-colonialism. It will be easier for you to find the cover page by looking at the table of contents. Let's take a look at some of the articles that have been published in the inside pages as well.

Special thanks - to everyone who contributed to the editing of the magazine ....

Let's read this whole magazine. 

අද මා ඔබ වෙත ගෙන එන්නේ මුතුහර සඟරාවේ 1992 ජූනි මස කලාපයයි.

මෙයට පෙර මා ඔබ වෙත මුතුහර සඟරා කලාප දෙකක් ඉදිරිපත් කර තිබෙනවා.

මුතුහර පිළිබඳ මීට පෙර පළ වූ ලිපිය සහ එම කලාප

මෙවර කවරයේ කතාව වෙන් වන්නේ ඇමෙරිකාව විසින් තම නව යටත් විජිතවාදය ක්‍රියාවට නංවන තවත් ආකාරයක් පිළිබඳ පැහැදිලි කර දීමටයි. ඔබට පටුන දෙස බැලීමෙන් කවරයේ කතාව ඇතුළත් පිටුව සොයාගැනීමට පහසු වේවි. ඒ වගේ ම ඇතුළු පිටුවල පළ වී ඇති ලිපි කිහිපයක තොරතුරු විමසා බලමු.

බාලි දූපත පිළිබඳ රසවත් තොරතුරු..

ෆිදෙල් කැස්ත්‍රෝට දියණියක සිටි බව ඔබ දන්නවා ද?

උතුරැකොරියානු නායකයා බලයට පත්වීමට පෙර ලියැවුණු අනාවැකි ලිපියක්....

ලක්වැසි අපට තේ ලැබුණු හැටි....

1992 වසරේ දී මියගිය ජනප්‍රිය හින්දි නිළි නූටාන්ගේ දිනපොත ඇසුරින් සකස් වූ ලිපියක්..

ඔතෙලෝ චිත්‍රපටයේ තිරය පිටුපස කතාවක්....

ෂර්ලොක් හෝම්ස් කෙටි කතාවක්....

හිතමිතුරු චීනයේ තහනම් නගරය....

කැඩපත විශේෂාංගය

දියමන්ති ගැන.....

උත්තර ප්‍රදේශය පිළිබඳ  තොරතුරු

සීයස්ගේ දරුවා රත්තරන්

වික්‍රමාන්විතයන්.....

මහින්දාගමනය පිළිබඳ හරවත්,
විවාදාත්මක තොරතුරු ඇතුළත් ලිපියක්....

    විශේෂ ස්තුතිය - සඟරාවේ සංස්කරණයට දායක වී ඇති සියලු දෙනාට ම.... 

    

     මෙම සම්පූර්ණ සඟරාව කියවමු.

රිඩර්ස් ඩයිජස්ට් සඟරාවේ සිංහල ආකෘතිය - මුතුහර

   Readers Digest (රීඩර්ස් ඩයිජස්ට්) සඟරාව විදෙස් රටවල් කිහිපයක ම ප්‍රකාශනයට පත් කෙරෙන අතිශය ජනප්‍රිය මාසික සඟරාවක්. ශ්‍රී ලංකාව තුළ ද වැදගත්, වටිනා හරබර ලිපි සහ විශේෂාංග ඇතුළත් සඟරා රාශියක් දීර්ඝ කාලකේ තිස්සේ ප්‍රකාශයට පත් වුණා. රසවාහිනී, ශ්‍රී, නවයුගය , කල්පනා, දෙසතිය, විවරණ, පෙරමග ආදි සඟරා ඒ අතර මුල් තැනක් ගන්නවා . නමුත් මා පෙර කියූ රීඩර්ස් ඩයිජස්ට් සඟරාවේ හැඩයට හා ආකෘතියට සමාන ආකාරයෙන් ඒ වන විට පළ වී ඇත්තේ මනහර නම් සඟරාව පමණයි. ඒ අනුව 1983 වසරේ දී මල්ටි ෆැක්ස් ආයතනයෙන් එළි දක්වන ලද මුතුහර මාසික සඟරාව වසර 30කටත් අධික කාලයක් පුරා (2017 වසර දක්වා ම) ලාංකික දූ දරුවන්ගේ වැඩිහිටියන්ගේ දැනුම සා පිපාසා නිවමින් ප්‍රකාශනයට පත් වෙනවා. එහි දීර්ඝ කාලීන ඉතිහාසයේ් ප්‍රධාන සංස්කාරක ලෙස වැඩිම කාලයක් කටයුතු කරන්නේ දක්ෂ ලේඛකයෙකු, නළුවකු හා පරිවර්තකයෙකු ද වන කුමාර සිරිවර්ධන මහතා. අප පුංචි සන්ධියේ ඔහු හඳුනාගෙන සිටියේ කෝපිකඩේ ටෙලිනාට්‍ය මාලාවේ නිමල් ලෙසින්.

     විදෙස් සඟරාවල පළවන දේශපාලන තොරතුරු ඇතුළත් ලිපි, ජීවිතයට වැදගත් වන කරුණු, විදෙස් නවකතා, කෙටිකතා සහ විවිධ විශේෂාංග ලිපි සිංහලයට පරිවර්තනය කරන අතරම ශ්‍රී ලාංකික අපේ සිරිත් විරිත්, ඇදහිලි, හා අපේ රටේ විවිධ තොරතුරු ඇතුළත් ලක් මුතුහර නමින් අමතර පිටු සහිත අතිරේකයක් මුතුහර සඟරාවට එකතු වී තිබීම විශේෂත්වයක්. 
       මෙහි මංගල කලාපයේ කවරය  මා ලබාගත්තේ  චන්දන ගමගේ මහතා විසින් අන්තර්ජාලයේ පළ කර තිබූ සේයාරුවකින්. මා මුතුහර මුල් වරට මිල දී ගත්තේ 1992 වසරේ දී යි. ඒ වන විට මා 5 වැනි ශ්‍රේණියේ ඉගෙන ගනිමින් සිටියා. ඒ වසරේ කලාපවල සඳහන් වූයේ 6 වැනි කාන්ඩය ලෙස වන අතර මුතුහර 7 වැනි වසරට පා තබන බව ද 1993 වසරේ සඟරාවක කවරයේ පළ වී තිබුණා. සමහර විට අතරමැද දී එය නැවතී තිබෙන්නට ඇති. මුතුහර සඟරා සියයකට වැඩි ප්‍රමාණයක් විවිධ අනතුරුවලින් බේරාගනිමින් තවමත් පොත් රාක්කයේ පරෙස්සම් කරගන්නට මට හැකි වීම පිළිබඳ ඇත්තේ දැඩි සතුටක්. අද විවිධ ක්ෂේත්‍රවල ඉහළ තැන්වල සිටින බොහෝ දෙනෙකු තමනට දැනුම ලබා දුන් මුතුහර පිලිබඳ කතා කරන්නේ ඉමහත් ගෞරවයෙන් හා ආදරයෙන්. මා තුළත් මුතහර පිළිබඳ ඇත්තේ දැඩි ගෞරවයක් හා ආදරයක්.

   මා සතුව තිබෙන එම සඟරාවල පළ වූ වැදගත් ලිපි සහ සඟරා කිහිපයක් ඉදිරයේ දී වරින් වර ඔබ වෙත ඉදිරිපත් කරන්නට මා බලාපොරොත්තු වෙනවා. දැනට ඔබව පැරණි සඟරා දෙකක් පමණක් බාගත කර ගැනීමට ඉඩකඩ සලසා තිබෙනවා.

බාගත කර ගැනීමට